موڈرینانےکرونا ویکسین کی قیمت کااعلان کردیا

امریکی کمپنی کی جانب سے تیار کردہ موڈرینا کرونا ویکسین کو فروخت کرنے کےلیے فی خوراک قیمت کا اعلان کردیا۔

فوکس نیوز کے مطابق حال ہی میں کرونا ویکسین کے 94.5 فیصد کامیابی کا اعلان کرنے والی امریکی کمپنی نے اعلان کیا کرتے ہوئے کہا ہے کہ فی خوراک کی قیمت 25 سے 37 امریکی ڈالر ہوگی یعنی فی خوراک پاکستانی روپے میں 4ہزار سے 6ہزار روپے کے درمیان ہوگی۔

امریکی کمپنی کے چیف ایگزیکٹیو اسٹیفن بینسل کا کہنا ہے کہ ویکسین کی ایک خوراک کی قیمت کا انحصار خریداری کی مقدار پر بھی ہوگا۔ اس لیے ہماری ویکسین پر زکام کی ویکسین جتنی لاگت ہی آئے گی جو کہ فی کس 10 سے 50 امریکی ڈالر بنتی ہے۔

یورپی کمیشن نے موڈرینا سے لاکھوں ویکسین خریدنے کے لیے بات چیت کا آغاز کردیا ہے۔ کمیشن فی خوراک 25 ڈالر میں خریدنے کے لیے کوشاں ہے۔

جس کے سلسلے میں کمپنی سے رابطہ کرنے والے یورپی کمیشن کے اہلکار کا کہنا ہے کہ ابھی اس حوالے سے باقاعدہ سودا نہیں ہوا تاہم چند دنوں میں خریداری کا معاہدہ ہونے کا امکان ہے۔

واضح رہے کہ یورپی یونین موڈرینا سے اس کی ویکسین کی خریداری کے لیے جولائی ہی سے رابطے میں ہے جب اس ویکسین کی طبی آزمائشوں کا آغاز ہوا تھا۔

دوسری جانب ایک اور کمپنی فائزر بھی 95 فیصد مؤثر کرونا ویکسین تیار کرنے کا اعلان کرچکی ہے اور اس کی منظوری کے لیے امریکا کی فیڈرل ڈرک اتھارٹی سے رجوع کرچکی ہے۔ مختلف اطلاعات کے مطابق امریکا میں آئندہ ماہ سے ویکسینیشن شروع ہونے کا امکان ہے۔

COVID-19 Vaccine MODERNA